Bilisan mong Kumilos

Kaibigan, gising ka na sana Nasa daan na ako, nariyan ka pa ba? Lumingon ka’t tumingin sa bintana Bumangon ka’t hawiin ang kurtina Dahil kanina pang nakatirik ang araw At kanina pang sayo’y nakadungaw Anong plano? Padadaanin mo lang ba? Kumilos ka hangga’t nariyan pa siya! Gumayak nang may halong galak At maligo nang pag-asang sandamakmak Sa lakas ng loob, higpitan ang hawak Saka simulang tuparin ang ating balak Kailangan mong magmadali, traffic sa Edsa Siksikan sa MRT, mahaba ang pila Sa upuan ng tren, bawal magpa reserba At kasalanan mo kung babagal-bagal ka Kung ang para sayo’y maaagaw pa ng iba Umalis na ako sa ating hintayan Dahil malayo pa ang ating pupuntahan Huwag kang mag petiks kung ayaw maiwan Dahil huli man daw at magaling Daig pa rin ng unang dating