Tumatakbo
- Dan Brila
- Jan 11, 2021
- 1 min read
Biglang dumating nang di inaasahan
Ang isang dilag na kaygandang pagmasdan
Ang mga bisig ko’y kaligtasa’y taglay
Kaya’t sa aking piling, ika’y humimlay
Aking inaabangan ‘yong pagmulat
Nang masilayan, mga matang may sulat
Ng mga nakaraang puno ng sugat
At ala-alang luha ang nag-uulat
Mga yakap ko’t pagsama ay damhin mo
Tinitiyak kong kalinga’y alay sa’yo
Ngunit di ko mawari ang ‘yong dahilan
Kung bakit ako’y iniwan mo’t nilisan
Komentáře