Ikakasal ka na

“Ikakasal kana, iiwan mo akong nag-iisa...” Ang linyang ito ng isang kanta ay hinding-hindi mawala sa aking isip. Ayaw ko mang ikasal sya ngunit ito ang gusto nya kaya wala akong magagawa. Ano nga bang habol ko kung sya nga talaga ang lalaking gusto niya? Sabagay, sanay na akong iwan.

Iniwan na nga ako noon ng maraming mga babaeng minahal ko ng tapat at totoo.

Ngayong ikakasal na sya, wala na akong ibang magagawa kundi ang umiyak habang nasasaksihan ang pagbibitaw ng pangako sa isa’t-isa.

Pagkatapos nito, tanging hiling ko lang sa kanya’y sana hindi magbago ang pakikitungo nya sa akin. Dumalaw naman sana siya sa bahay kahit may bago na siyang tahanan.

Hayyyy...... buhay...... ang hirap talagang maging biyudo lalo pa’t puro babae ang anak.